  |
  
|
星期六同左CHERYL 仲有貓鈴姬出黎~~
好開心呀，第一次o係香港齊腳聚會!! 好開心可以一齊傾計!!! 一定要再出黎!!
希望cheryl 10月之旅會順利啦!!!
仲係未搵到做!! 睇黎我10月會有工返呢個目標都冇咩可能啦~~~~~><
秋天.......
而家成個腦都係諗緊搵工，其他野都好少諗。好開心我班fd為我諗下個月o既生日!! 去海洋公園呀!!!!!! 好耐冇去過!!!其實機動遊戲我真係唔係咁夠膽玩。不過好enjoy 同fd一齊可以好顛咁玩返日!!
有一次俾班fd 捉左我去玩跳樓機!!! 落返黎真係腳軟!!之後佢~「朋友」捉左我上去同佢玩多次。呢D 咁驚o既野，如果叫我o固個唔係「朋友」我死都唔肯再玩多次!! 亦都係第一次希望唔好咁快落返黎!!哈哈哈哈哈。
唔知今年生日會唔會見到「朋友」!!
到而家唔可以唔認.......................... 我仲係好愛佢。
好想見佢。
話咁快又星期五啦!!
頭先同左JOYCE 去左飲野。好開心有人陪我傾咁耐!!!
相信會好快搵到工架啦!!
聽日約左CHERYL 同貓鈴姬去唱K!!!
今日去見左工啦!!! 本來約左12點半去interview ，9點幾打黎叫我改早11點到。
雖然好近o係火炭。即刻起身要沖涼化妝都黎唔切啦!!最後都係約左11點半。
仲以為離火車站好近~ 點知都要行成10分中!! 最後ギリギリ准時到左。不過估唔到係個日本人老闆黎見我。
其實間公司好細。好似得10個staff 唔到。但感覺上個老闆又好似幾好人、間公司又近我，最緊要係------ 星期六日唔駛返工!!!!其實都好想入呢間公司。不過個老闆好似好執著我出左黎做野做左2年幾就轉左2次工。問左我2次會想o係度做幾耐，佢想請係o係度長做。講真，工唔轉點搵到自己o岩架。間公司好，踢我都唔走啦!!最後我都答佢:「最少都5-10年啦!!」XDDD 同埋我好唔中意D日本人成日問我:「有咩問題想問?」勉強搵左D問題黎問佢、又再問我。冇問題問又好似攪到冇咩誠意咁。見完後都係要等消息! 天呀!!! 幾時先搵到野做呀???
究竟o固D 幫人搵工o既agent 係唔係真係咁多? send 左d resume 去apply 睇中左o固份工。點知都係o固D agent !! 叫你上佢寫字樓作文考試心理測驗、攪你個幾2個鐘就話有工會介紹你架啦!!走得架啦!跟本唔係幫你APPLY O固份工! 提都冇提過!浪費我時間!!! 今日仲好笑。有間公司打黎問我係唔係想搵D 講日文o既工，問我o固個能力試係D 咩黎。可唔可以PRO 少少呀? 做得幫人搵工o既agent 連呢D 咁BASIC o既野都唔知??我明白電話上可能已經係一個簡單interview、scan 下你個人係唔係真係過最簡單要求。問我係咩性格、覺得自己有咩優點呢D 好在之前上呢D AGENT 俾人玩時已經熟哂。問我點解想搵D 日本公司? 咁都仲要問!!!!!會唔會係因為識日文呢??但我唔明點解要問埋我身高體重????仲逼你一定要答!!! 而家我APPLY 做CLERK 咋，唔係APPLY 空姐WO!!!! 就黎俾人玩死啦!!!!!!~
就黎悶死啦!!! 已經O係屋企睇左<COLD BLUE> 同<正義の味方> 。而家咁得閒要KEEP 住睇多D 日劇。我唔可以俾我D 日文咁快飄走哂架~~~~~~
見工前先黎打風!!仲要打8號!!
好大風呀!!! 聽到好多人o係度慘叫!!
今日終於有電話黎叫我見下工啦!!
咩工都做住先呀~ 再係咁落去真係唔掂呀!!!!
希望聽日唔好打風~ 唔好落大雨~ 希望會請我啦~~ PLS!!!
由日本返黎已經第15日啦!!! 搵工仲係未有聲氣!! o係屋企無所事事都真係幾難頂!! 經濟快D 好~~~~~~快D俾個機會我去下INTERVIEW!!!
等睇家好月圓時，女王打黎叫我出TST 飲野。話好齊人。 有HENRY SAN、YY、DIOR、NONNO、CHERYL 、女王、CHERYL、REBECCA 、杰仔同埋HT 日本部新請返黎o既katty? 好耐冇見佢地啦。坐左陣。睇住HENRY SAN飲醉左o係度「食帶」!!! 我隻手仲要俾佢"lam" 左幾下...............
之後同女王落左MK 食野。 二人世界真開心!!!!
搭小巴返屋企o固陣，睇返去日本前大家send俾我o既msg。咁就一年啦。 「take care in Japan 、bye!」突然好掛住send 呢個msg 俾我o既人。返黎香港後都未見到。唔知佢最近點呢???
聽晚約左親愛o既cheryl 食飯!!!!!
出左啦~
V6 新single!! 「Light in your heart/swing!」
其實最想睇都係Swing! o既PV!!
未買。不過已經可以DL 哂所有歌同PV!!
個PV實在太可愛啦~
懶到唔想出街呀! 等我捨得出去先買哂佢地返屋企啦!!
GO KUN 個CON幾時知抽唔抽到呀？？？
今日訓訓下，細舅母打黎嘈醒左我。
問我搵到野做未，話介紹份工俾我做。我問佢係咩工黎架?? 佢係都唔答我，總之而家即刻出黎銅鑼灣啦。
前2日先聽媽咪講，話佢入左去D 傳銷公司度做。
心知不妙! 即刻話好遠呀~唔得閒! 佢即刻成個戰鬥格咁同我講:「你而家想搵咩工先?你出一出黎! 黎啦! 我請你食飯!! 黎左改變你一生!!」唉~ 又一個無知婦孺跌入傳銷公司陷阱!!! 仲要向我呢個剛剛外地返黎仲量緊地o既埋手???? 打黎o既時候簡直當我係一個客而唔係一個親人!!好在最後都推左!!! 做呢行，好易朋友親人都冇哂呀!!!!!
唉~ 搵工仲未有聲氣>< 幾時脫貧呀???
